ДЕПАРТАМЕНТ БАСШЫСЫ АРАЛ АУДАНЫНЫҢ ТҰРҒЫНДАРЫН ҚАБЫЛДАДЫ
«Нұр Отан» партиясы Арал аудандық филиалы ғимаратында Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Абзал Мұхимов аудан тұрғындарын қабылдады.
Қабылдауға алдымен Арал қаласының тұрғыны Мадина Жамалова кіріп, науқастанған 6 жасар баласын Астана қаласында тексеруден өткізуге көмек беруді сұрады. Алаңдаулы ананың өтінішіне байланысты Абзал Сансызбайұлы тиісті сала басшыларына тапсырма берді.
Ұлына Қызылорда қаласынан жұмыс тауып беруге өтініш білдірген ардагер ұстаз Маржан Жәлімбетованың мәселесі де оңынан шешілді.
Сондай-ақ, бұған дейін жастар резервінде тұрған Арайлым Камиланованың өтініші негізінде департамент басшысы Халықты жұмыспен қамту орталығының басшысы Ә. Жалғасбаевқа тапсырма жүктеді.
Абзал Сансызбайұлы қабылдауға келген тұрғындар мәселелері бақылауға болатынын жеткізді.
