ЖАЙДАРМАНШЫЛАР ЖАРЫСЫ
Қармақшы ауданы Ақтөбе ауылының тұрғындарын бір серпілткен көңілді кеш өтті. Оны «Қармақшы Жастары» қоғамдық бірлестігі ұйымдастырды. Жайдарманшылардың жарысы қызықты өтті. Ақтөбе ауылында өткен жайдарманшылардың аймақтық сайысына «Ақтөбе Жастары», «Армандастар», «Zhe boys», «Ақжар Citu» және «Тұрмағамбет», сонымен бірге «Көз тимесін» командалары қатысты.
Жайдарманшылар қоғамымызда болып жатқан жағымды жаңалықтар мен ерсі қылықтарды өздерінің әзіл-шыны аралас көріністерімен айшықтап, көрермендер көңілінен шықты.
Тартысты да қызықты өткен сайыс қорытындысымен «Көз тимесін» және «Ақжар Citu», сондай-ақ «Ақтөбе Жастары» командалары аудандық сайысқа қатысуға жолдама алды.
Жүлдегер командалар арнайы дипломдар мен бағалы сыйлықтарға ие болды.
