Сыр Медиа

Қызылорда облысы ҚАЖ департаменті ЗК-169/5 мекемесінің Сотталғандар арасында тәрбие жұмысын жүргізу бөлімінің психолог мамандарының ұйымдастыруымен мекемедегі жаза мерзімін өтеуші азаматтарға «Денсаулыққа зиянды әдеттерден арылу жолдары» тақырыбы аясында семинар- тренинг өткізілді. Тренингтің негізгі мақсаты - жаза мерзімін өтеуші азаматтарға салауатты өмір салтын насихаттау, зиянды әдеттерден арылу жолдары жайлы толық мағлұматтар беру. Шарада сөз алған Қызылорда облыстық наркология орталығының психолог маманы Э.Нұрпейісова денсаулықтың маңызы жайында түсіндіріп, психолог мамандармен тренинг жаттығуларын жүргізді. Сондай –ақ, тренинг барысында жаза мерзімін өтеушілер зиянды әдеттердің денсаулыққа, қоғамға тигізетін кері әсерлері туралы арнайы дайындалған бейнероликтерді тамашалап, алған әсерлерімен бөлісті.