МЕМЛЕКЕТТІК ТІЛДІҢ ҚОЛДАНЫЛУ АЯСЫН КЕҢЕЙТЕДІ
Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасы, «Нұр Отан» партиясының Байқоңыр қалалық филиалы, Қызылорда облысының жастар саясаты мәселелері басқармасы «Жастар ресурстық орталығы» КММ бөлімшесі өкілдері қаладағы қазақ орта мектебінің оқушыларымен кездесіп, ұлттық әліпбиді латын графикасына көшіруге байланысты түсіндірме жасады.
Отырыста латын графикасына көшу ең әуелі тіл тазалығын сақтайтындығы айтылды. Бұл мектептен бастап барлық оқу орындарында оқыту үрдісін жеңілдетеді. Бұл бастаманың тағы бір тиімді тұсы – латын әліпбиі қазақ тілінің халықаралық дәрежеге шығуына жол ашады.
