Сыр Медиа

    Бұл туралы Өңірлік комуникациялар қызметінде өткен баспасөз конференциясында облыс әкімінің орынбасары Серік Сүлейменов мәлімдеді.

    - Облыс бойынша 640 көпқабатты үй күрделі жөндеуді қажет етеді. Облыс әкімінің тапсырмасы бойынша аудандық бюджеттен 10 көпқабатты тұрғын үйдің жөндеу жұмыстарын жүргізу үшін 51 млн теңге бөлінді. Бүгінде қайтарымды 74 млн теңге осы мақсатқа пайдаланылуда, - деді облыс әкімінің орынбасары.

    Сонымен қатар, 264 шақырым су желілері мен 7,8 шақырым кәріз желілерін жөндеу жұмыстары басталды.

     Биыл Қызылорда қаласы және Жосалы кентінде 2 жоба іске асырылды. Ал қалған жобалар бойынша құрылыс-монтаж жұмыстары жалғасуда. 2017 жылы 36 жобаны іске асыру үшін 5,8 млрд теңге бөлінген. 35 жоба биыл аяқталады. Сондай-ақ, Жаңақорған ауданындағы жоба келер жылға қалдырылады.

    Жаңақорған ауданындағы электрмен жабдықтау жобасының жұмыстары аяқталуға жақын.