ҚАЗАҚСТАНДА ЕҢ ТӨМЕН ЖАЛАҚЫНЫ ҰЛҒАЙТПАҚ
ҚР Ұлттық экономика вице-министрі Руслан Дәленов тұрғындардың табысын көтеру үшін жасалатын кешенді жұмыс жайлы баяндады, деп хабарлайды Kazpravda.kz.
Оның сөзіне қарағанда, үш бағыт бойынша шаруа атқарылып жатыр. Біріншісі – ең төменгі жалақыны көтеру мәселесі.
"Бүгін ол 28 мың теігені құрайды. Түрлі жолдар қарастырылып жатыр: бірнеше пайызға да, 1,5 есеге де. Әзірге бұл Еңбек және тұрғындарды әлеуметтік қорғау министрлігі деңгейінде талқыланып жатыр", – деді ол ҚР Парламенті Сенатының отырысынан кейін журналистерге берген сұхбатында.
Екінші маңызды аспект іскерлік белсенділікті жандандыру. Вице-министрдің сөзіне қарағанда, кәсіпорындар көп болып, бизнес байыған сайын олар қызметкерлеріне көп жалақы төлей алады.
Үшінші бағыт – көлеңкелі экономикамен күрес. Бұл бөлімге қандай да бір санкциялар қолданылумен қатар ынталандыру шаралары да кіреді.
"Банк карточкасымен көмегімен жасалған айналымға салықты төмендетуге дейінгі түрлі шараларды қарастырамыз. Адам карточкамен төлем жасағаны үшін салықтық бонустар енгізуді де қарастырып отырмыз. Аталған бонустармен ол көлік, мүлік салықтарын төлей алады. Көптеген кәсіпорындар көлеңкеге кетіп жатады. Өйткені, айналым үлкен болғанда олар қосылған құн салығын төлеуші болады. Ал ол айналым қосымша 12 пайызды құрайды", – деп түсіндірді Дәленов.
