Сыр Медиа

Ә.Тәжібаев атындағы Қызылорда облыстық әмбебап ғылыми кітапханасының мәжіліс залында барлық мемлекеттік орган қызметкерлерінің қатысуымен «Жемқорлықпен күрес және заңның үстемдігі» атты тақырыппен Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмікіндіктері» Жолдауының тоғызыншы бағытына арналған форум өткізілді.

Форум Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті, Қызылорда облыстық ішкі саясат басқармасы және «Самұрық» инновациялық идеяларды дамыту орталығы» қоғамдық қорымен бірлесіп ұйымдастырылды.

Жиынды Департамент басшысының орынбасары Б.Байхожаев ашып, Елбасының Жолдауынан туындайтын міндеттерге және жемқорлықты алдын алу шараларының маңыздылығына тоқталып өтті.

Сонымен қатар, департаменттің басқарма басшысы Б.Ізкенов, «Самұрық» инновациялық идеяларды дамыту орталығы» қоғамдық қорының директоры, қалалық арнайы мониторингтік топ жетекшісі Ж.Тұсмағамбетов және облыстық ішкі саясат басқармасының бас маманы Н.Тоқбергеновалар баяндамалар жасады.