ЖАСТАР САЯСАТЫ – ЕЛ ЕРТЕҢІНІҢ БАСТЫ БАҒЫТЫ
ҚР Президенті Н.Ә.Назарбаев «Қазақстан-2050 стратегиясы: қалыптасқан мемлекеттің жаңа саяси бағыты» атты Қазақстан халқына Жолдауында жастардың әлеуетін одан әрі қарай қолдау мен дамытуға байланысты нақты тапсырмалар берді.
Осыған байланысты Жалағаш ауданында аталған сала бойынша бірқатар игі шаралар жүзеге асырылып келеді.
Қазіргі таңда Жалағаш ауданында 14 пен 29 жас аралығында 8 865 азамат тіркелген. Бұл көрсеткіш жалпы халық санының 24,7 пайызын құрайды.
Оның ішінде ауылдағы жастар саны 4 942 болса, кент орталығындағы жастар саны – 3923.
Биылғы жылы мемлекеттік жастар саясатының жұмыстарын ұйымдастыруға жергілікті бюджеттен 14,7 млн. теңге және аудандық жастар ресурстық орталығының қызметін ұйымдастыруға 9,5 млн. теңге бөлінді.
