ҮЗДІКТЕР СЫНҒА ТҮСЕТІН БӘЙГЕ
«100 жаңа есім» жобасының II-кезеңі басталды. Байқауда бағын сынағысы келетіндер алдымыздағы 10 қыркүйекке дейін өз өтініштерін http://100esim.el.kz/kz порталына жүктей алады.
Үміткерлерді сарапшылар тобы сараптап, іріктейді. Өздеріңізге де белгілі, олар кәсіби ортада үлкен жетістікке жетіп қана қоймай, адами қасиеттерге бай болуы шарт. Ал жеңімпаздарды халық таңдайды. 20 қыркүйек пен 10 қазан аралығында үздік 100 жаңа есімнің қатарына енуге лайық, аймақтың айнасы болады деген үміткерге дауыс бере алады.
Биыл жобаның жұмыс тобы жастарға ерекше ден қойып жатыр. Бұл жоба ел арасында жүріп, өз ортасының көшбасшысына айналған, озық ойымен, білімімен дараланатын адамдардың көпшілікке танылуына мол мүмкіндіктер жасайды. Ал жастар өз замандастарының жетістігіне марқайып, «болмаса да ұқсап бағары» анық.
Айта кетейік, аталған жоба 2017 жылы бастау алған болатын. Өткен жылы қызылордалықтардан – Болатбек Баймаханов, Александр Подольских, Сымбат Әбдірахманова және Әсел Дәлиева үздіктер қатарынан көрініп, ел ықыласына бөленді.
Облыстық «Рухани жаңғыру» орталығы
