ҰЛТТЫҚ ТІЛ – МӘДЕНИЕТТІҢ ІРГЕТАСЫ
Қармақшы аудандық тарихи-өлкетану музейінде «Ұлттық тіл – мәдениеттің негізі және іргетасы» атты ой бөлісу кеші өтті.
Жиынға аудандық тарихи-өлкетану музейінің директоры Дәурен Ержанов, аудандық әйелдер кеңесінің төрайымы, «Қазақ тілі» қоғамдық бірлестігінің мүшесі Гүлжауһар Раева, аудандық орталықтандырылған кітапханалар жүйесінің әдістеме-библиография бөлімінің меңгерушісі Гауһар Раева, аудандық мәдениет және тілдерді дамыту бөлімінің инспекторы Болат Нұрқашов қатысып, пікір алмасты.
– Қазақ тілі – біздің рухани негізіміз. Біздің баршамыздың міндетіміз – оны барлық салада белсенді пайдалана отырып дамыту. Біз 2025 жылдан бастап әліпбиімізді латын қарпіне, латын әліпбиіне көшіруге кірісуіміз керек. Бұл – ұлт болып шешуге тиіс принципті мәселе, – деді аудандық тарихи-өлкетану музейінің директоры Дәурен Ержанов.
