"АҚМЕШІТ ЖАСТАРЫ" ГАЗЕТІНЕ – 5 ЖЫЛ
Облыстық "Ақмешіт жастары" газетінің ұжымы жас журналистермен кездесу ұйымдастырды. Шара Ә.Тәжібаев атында Қызылорда облыстық әмбебап кітапханасының жанынан ашылған коворкинг орталығында өтті.
Сондай-ақ, жастармен өткен басқосуда "Сыр медиа" ЖШС-нің бас директоры Аманжол Оңғарбаев, облыстық жастар саясаты басқармасының басшысы Қуаныш Жанұзақов, "Жас Отан" жастар қанатының төрағасы Талғат Тілес сөз сөйлеп, ыстық ықыластарын білдірді.
Ал республикалық "Ұстаз мәртебесі" газетінің редакторы Нұрлан Көбегенұлы аталған басылымның жас тілілерге таптырмас мектеп екенін жеткізді. Сонымен қатар, бес жыл ішінде атқарылған жұмыстар мен қызықты естеліктер айтылып, жастарды бірлесе жұмыс жасауға шақырды.
