АВТОМОБИЛЬ ЖОЛДАРЫ ЖАҢАРТЫЛЫП, КӨПІР САЛЫНУДА
Облыстағы автомобиль жолдарының 420 шақырымы Сырдария ауданына тиесілі.
Оның 47 шақырымы республикалық, 68,5 шақырымы облыстық және 98 шақырымы аудандық маңызы бар жол. Сонымен қатар, «Батыс Еуропа-Батыс Қытай» халықаралық көлік дәлізінің 44 шақырымы аудан аумағы арқылы өтеді.
Осы жылы Іңкәрдария, Айдарлы, Жетікөл, Қоғалыкөл елді мекендерінде жол жөндеу жұмыстары аяқталды. Жыл басынан бері Тереңөзек кенті және А.Тоқмағанбетов елді мекендерінде 12 көшеге жөндеу жұмыстары жүргізілді.
Сонымен қатар, Бесарық елді мекеніне кіреберістегі Жаңадария каналына көпір салына бастады. Ол келер жылы қолданысқа беріледі.
