ЖАҢАҚОРҒАН АУДАНЫНЫҢ 90 ЖЫЛДЫҒЫ КЕҢІНЕН АТАЛЫП ӨТІЛЕДІ
Жаңақорған ауданының 90 жылдығы мен Халық ақыны Манап Көкеновтың 90 жылдығына орай кең көлемде өтетін шаралар барысына орай аудан әкімі Ғалым Әміреев ақпарат құралдарының өкілдеріне брифинг берді.
Аталған ауданның мерейтойы «Сырға толы Сығанақ» атты этно-думанды шарамен басталып 2 ай көлемінде тойланатын болады.
Бекітілген бағдарлама аясында мәдени көпшілік және спорттық шаралар өтеді.
Сондай-ақ, Халық ақыны Манап Көкеновтің 90 жылдығына орай бюсті ашылып, республикалық ретро-айтыс ұйымдастырылады.
Шаралар аясында «Алтын күз-2018» ауылшаруашылығы саласының үздіктерін марапаттап, эстрада жұлдыздарының гала-концертімен қортындыланады.
Атап өтсек, Жаңақорған ауданының 90 жылдығы аясында 1 көпқабатты тұрғын-үй және 1 жатақхана қазан айында халық игілігіне беріледі.
