ИТАЛИЯДА ЕУРОПАДАҒЫ ЕҢ БИІК АСПАЛЫ КӨПІР ПАЙДА БОЛАДЫ
Италиядағы Валь Тартано алқабында Еуропадағы ең биік аспалы көпір салынып жатыр. Морбень және Сондрио елді мекендерін жалғастыратын бұл құрылыс 22 қыркүйекте ашылады, деп хабарлайды ҚазАқпарат Coriere della Sera басылымына сілтеме жасап.«Аспандағы көпір» атауына ие болған нысан биіктігі 1034 метрлік екі тау шыңын жалғастырады. Көпірдің ұзындығы -234 метр, ол 140 метр биіктікте орналасады. Мұның құрылысына 750 мың еуро жұмсалды.
Енді ерекше көпір арқылы жергілікті тұрғындар өзге елді мекендерге жылдам жетпек. Сондай-ақ туристердің жергілікті табиғаттың әсем көріністерін - Коломбер су бөгетін, Альпі шыңдарын, Адда өзенінің сарқырамасын, жайылымдықты тамашалауға мүмкіндік туады.
