Сыр Медиа

Тәртіп сақшыларының халыққа тәуліктің 24 сағаты бойы қызмет ететін біле бермейміз. Қызылорда қалалық ішкі істер басқармасының Жедел басқару орталығының қызметі қоғамдық қауіпсіздікті сақтау, қылмыстарды ашу, әкімшілік құқық бұзушылықтарды анықтау бағытында тынымсыз еңбек етуде.

Қандай да бір шағымы немесе наразылығы бар облыс тұрғындары ең алдымен кезекші бөлімге хабарласып, көмек сұрайды. Кезекшілік бөлімінде тіркеп алу ғана емес, сонымен бірге кезекшілік уақытында қылмысты жедел ашу үшін полицияның кешендік күшін тиімді пайдалану, алғашқы тергеу жұмысын сапалы жүргізу жұмыстары толыққанды ұйымдастырылып отыр.

Мәселен, түскен хабарламаны қабылдаған кезекші жедел жоспарлау орталығына жолдап, жедел тергеу тобы тез арада оқиға орнына жетеді.

Қызметтің тиімділігін арттыру мақсатында әскери-қызметтік дайындық аясында жауапты кезекшілер мен Жедел басқару орталығы операторларының кезекшіліктен тыс уақытта оқиға орнына баруы тәжірибеге енгізілді. Оқиға орнына барған кезекшілер полиция наряды, учаскелік полиция инспекторлары мен жедел тергеу тобының құқық бұзушылықтарды рәсімдеу барысымен етене танысуына мүмкіндік алады.

Ауысым соңынан кезекшілер атқарылған жұмысты қорытындылап, департамент бастығының орынбасарына есеп береді, басшылық өз кезегінде кезекшілердің қызметіне баға беріп, оның кәсіби деңгейін арттыруға ұсыныстар енгізеді.

Қыркүйек айының 1- 6 күндері аралығында Қызылорда ҚІІБ Жедел басқару орталығының «102» арнасына азаматтардан келіп түскен полицияның құзырына жататын хабарламалардың саны – 514 құраса, оның ішінде қылмыс құрамы бар – 74, әкімшілік құқық бұзушылықтар – 219, басқа да хабарламалар – 214.

Облыс орталығында Қызылорда ҚІІБ Жедел басқару орталығының «102» арнасына күнделікті келіп түскен хабарламалар, оның ішінде қылмыс пен құқық бұзушылықтар талданып отырады. Олар бойынша ішінара хабарламашылардың ұялы телефонына хабарласып, Жедел басқару орталығының 102 операторлары шұғыл, сапалы және сыпайы түрде қабылдау барысына, оқиға басына полиция жасақшалары мен жедел-тергеу топтары уақытылы баруына және сапалы қызмет атқару сапасын бағалау жұмыстары жүргізілуде.

Келіп түскен хабарламалар бойынша хабарламашылармен байланысып, тексеру барысында азаматтардың ішкі істер органдарының көрсеткен қызметіне көңілі толатындықтары және полиция қызметкерлері қысқа мерзімде келіп қызмет көрсеткендері жайлы оң пікір білдіруде.

Осы орайда, полиция қызметіне енгізілген жаңа өзгерістер оң нәтиже беруде., Біріншіден полиция қызметкерлерінің кәсіби деңгейі, жұмыстың тиімділігі артса, екіншіден халықпен сенімді байланыс орнайды.

Себебі, ішкі істер органдарының қызметі – халықтың сенімі арқылы өлшенеді.