АНАЛАР КЕҢЕСІНІҢ КЕЗЕКТІ ОТЫРЫСЫ ӨТТІ
Еліміздегі отбасы құндылықтарын насихаттау мен ұлттық рухты нығайтуда, жастарға тәрбие беру бағытында жаңа жобаларды іске асыруға Аналар кеңесі өз үлесін қосып келеді.
Осы орайда, бүгін «Достық үйінің» мәжіліс залында облыстық Қазақстан халқы ассамблеясы жанындағы Аналар кеңесінің кезекті кеңейтілген отырысы өткізіледі. Отырыстың күн тәртібіне «Қазақтану» жобасын жүзеге асырудағы Аналар кеңесінің рөлі» мәселесі қойылған. Дөңгелек үстел форматында ұйымдастырылған бұл шараға Қызылорда облысы әкімінің орынбасары Руслан Рүстемов қатысты.
Қолөнер шеберлерінің көрмесі ұйымдастырылып, «Қазақтану» жобасы негізінде дәстүрлі қазақ тәрбиесі мәселелерін талқыланды.
Отырыс соңында Қазақстан халқы Ассамблеясының «Қазақтану» ғылыми-ағартушылық жобасы негізінде салт-дәстүрімізді, әдет-ғұрыпымызды насихаттайтын көрмеге өз үлесін қосқан қолөнершілер марапатталды.
