БОЛАШАҚҚА ЖОЛ САЛДЫ
Достық үйінің мәжіліс залында жаңа әліпбиді қолдау мақсатында «Латын әліпбиі – болашаққа бастар бағыт» атты дөңгелек үстел өткізілді.
Жиынға облыстық аналар кеңесінің төрайымы Р.Смаханова, облыстық ассамблея жанындағы аналар кеңесі төрайымының орынбасары Н.Мұсаева және осы мекеменің бөлім басшысы Г.Сәрсенбай мен аналар кеңесінің белсенді мүшелері қатысты.
Дөңгелек үстелде латын қарпі өскелең ұрпақтың ой-өрісі мен дүниетанымының тереңдей түсуінің негізгі алғышарты екендігі айтылды. Латын әліпбиіне көшу – тіліміздің тарихи ерекшелігін сақтау арқылы әлемдік интеграция, ақпарат алу мүмкіндігіміздің артуына негіз болып табылады.
Шараға қатысқандар болашаққа жол салған бастаманы бірауыздан қолдайтындықтарын айтты.
