100 ЖЫЛДЫҚ БЕЛЕСТІ БАҒЫНДЫРҒАН БІЛІМ ҰЯСЫ
Қалтай Мұхамеджанов атындағы №1 мектеп-гимназиясының 100 жылдық мерейтойы аясында ауқымды іс-шаралар ұйымдастырылды. Үш бағытта жүргізілген жұмыстардың маңызы мен өнегесі жас ұрпақтың зердесінде қалатындай тартымды өтті.
Білім ошағында мектеп музейінің ашылу салтанатынан соң, осы уақытқа дейінгі басшылық жасаған директорларға арналған «Ғасырлық мектеп көшбасшылары» атты кітаптың тұсаукесері болып, кештің соңы ардагер ұстаздарды марапаттау мен концерттік бағдарламаға ұласты.
Ғасырлық тойдың құрметті қонағы Жамила Қалтайқызы өз тілегін жеткізіп, ризашылығын білдірді. Кеш қонақтарының ыстық лебіздерінен соң қазақ тілі пәні мұғалімі Шолпан Бакированың ұйымдастыруымен драматург жазушы Қ.Мұхамеджановтың «Құдағи келіпті» песасынан үзінді, кітап көрмесі ұйымдастырылды. Жиын соңы мектеп ұжымының концерттік бағдарламасына ұласты.
Жүз жыл уақыт аралығында талай табыстарға жетіп, ел мақтаныштарын тәрбиелеп шығарған білім ордасы алдағы уақытта да қуанышты жаңалықтарын бөлісе бермек.
Ақалтын НОҒАЙБАЕВА
Қ. Мұхамеджанов атындағы
№1 мектеп- гимназиясының кітапхана меңгерушісі
