Сыр Медиа

Облыстық ішкі саясат басқармасының «ҮЕҰ мен қоғамдастықты қатыстыра отырып қоғамдық кеңестермен жүргізілетін қоғамдық бақылауды дамыту» жобасы аясында жаңа базар аумағындағы Төле би, Қорқыт ата көшелерінде қоғамдық бақылау өткізілді.

Қоғамдық кеңес мүшелері Бархан Ахылбаев, Әбіш Сабит, «Невада-Семей» қозғалысының мүшелері тұрғындардың әлеуметтік желідегі өтініштері мен ұсыныстарына сәйкес қоғамдық бақылау барысында көп қабатты тұрғын үйлердің жылу науқанына мезгілді қосылуын қадағалады.

Тұрғындардың жылу мәселесіне қатысты шағымдарын тыңдаған Қызылорда жылу электр орталығының маманындары туындаған мәселе төңірегінде нақты жауап берді.