ЖАЗА МЕРЗІМІН ӨТЕУШІ АЗАМАТТАРМЕН КЕЗДЕСУ ӨТТІ
Қызылорда облысы ҚАЖ департаменті ЗК-169/5 мекемесінде мекемедегі жаза мерзімін өтеуші азаматтардың қатысуымен «Нашақорлықтың адам психикасына жағымсыз әсері» тақырыбында кездесу өтті.Іс-шараға Қызылорда облыстық наркология орталығының психолог мамандары Б.Журмабекова мен А.Төлепова қатысты. Психолог мамандар жаза мерзімін өтеуші азаматтарға «Нашақорлық ғасыр дерті» тақырыбында дәріс оқып, зиянды әдеттердің адам ағзасына тигізетін кері әсерлері жайында ақпараттар берді. Сондай-ақ, шара барысында сотталған азаматтарға психолог мамандар «Менің жақсы қасиетім» атты тренинг жаттығуын ұйымдастырып, тренинг барысында қатысушылардың пікірлері тыңдалып, сауалдарына жауаптар берілді.
