ХАЛЫҚ ҚАЛАУЛЫЛАРЫ ҚАРМАҚШЫ АУДАНЫНДА
Қазақстан Республикасы Парламенті Мәжілісінің депутаты Н.Сабильянов Қармақшы ауданында іс - сапармен болды. Сапар барысында Ақжар, Тұрмағамбет елді мекендерінде және Жосалы кентінде болып, тұрғындарымен кездесті. Кездесу барысында Елбасы, партия төрағасы Н.Назарбаевтың «Қазақстандықтардың әл – ауқатының өсуі: табыс пен тұрмыс сапасын арттыру» атты Жолдауын тұрғындар арасында насихаттады.Кездесуге «Нұр Отан» партиясы Қызылорда облыстық партия филиалы төрағасының орынбасары Е.Байтілес, аудандық мәслихат хатшысы М.Наятұлы, аудан әкімінің орынбасары Ә.Қошалақов, «Нұр Отан» партиясы Қармақшы аудандық филиалы төрағасының бірінші орынбасары Д.Буханов және партия белсенділері мен БАҚ өкілдері қатысты.
