ТҮЗЕУ МЕКЕМЕСІНЕН БОСАТЫЛАТЫН ЖАЗАСЫН ӨТЕУШІЛЕРГЕ БАҒЫТ-БАҒДАР БЕРІЛДІ
ЗК-169/5 мекемесінде жазасын өтеуші сотталғандар арасында Қазақстан Республикасы «Нұрлы бағдар» қоғамдық қоры өкілдерінің қатысуымен кездесу өткізілді.
Кездесу барысында, жазасын өтеуші сотталғандарға аталған қоғамдық қордың мақсаты мен міндеттері яғни, түзеу мекемесінен босатылған азаматтарға дұрыс жол көрсетіп, жаңаша өмір бастауға ықпал жасалатындығы туралы түсіндірілді. Сонымен қатар, түзеу мекемесінен босатылатын адамға жеке бағдарлама жасау арқылы олардың мамандық алуына, жұмысқа орналасуына, әлеуметтік көмек және жоғарғы білім немесе кәсіптік білім алуына көмек көрсету.
Айта кету керек, аталған ұйымда адвокаттар, медиаторлар, психологтар, оқытушылар мен волонтерлер жұмыс атқарады. Электр дәнекерлеуші, авто жөндеу, құрылысшы, сантехник сияқты жұмысшы мамандықтарға оқыту үшін қордың жанынан арнайы шеберханалар ұйымдастырылған. Қор қызметкерлері сотталған азаматтарға уақытша тұру үшін қордың жанында арнайы жатақхана бар екендігін айтып өтті.
