Ғалымдар Елбасы мақаласы туралы пайымдарын айтты
Бүгін Елбасы Н.Ә.Назарбаевтың «Ұлы даланың жеті қыры» тақырыбында жарияланған мақаласын Қорқыт ата атындағы Қызылорда мемелекеттік университетінің ұжымы талқылады.
Жиынды ашқан аталған білім ордасының оқу-тәрбие жұмыстары жөніндегі проректоры Бахытхан Абдикаримов Елбасы мақаласында келтірілген мысалдарды назарға алып, маңыздылығын түсіндіріп өтті.
Қазақстан тарихы кафедрасының аға оқытушысы, тарих ғылымдарының кандидаты Әзілхан Тәжекеевтің айтуынша, Елбасының «Ұлы даланың жеті қыры» атты мақаласы бұл көп жылдан бері еліміздің ұлттық тарихын жазудағы жұмыстардың жемісі.
«Бұл халқымыздың 7 қыры – алда жазылатын тарихтың 7 үлкен тарауы. Себебі, мұнда көне замандар, қола дәуіріндегі металлургия саласы, сақтардың дала көшпенділерінің аңдық стилі, түркілердің империясы туралы, Ұлы Жібек жолы бойындағы қалалар туралы айтылады. Бұл біздің бүгінгі тарихты қарай отырып, көне тарихтан сабақ алу болып табылады. Елбасы бұл мақаласы арқылы қай бағытта қалыптасу керектігін көрсетіп берді», – дейді ғалым.
Университеттің философия және мәдениеттану кафедрасының меңгерушісі, философия ғылымдарының кандидаты Оңғар Бермаханов «Архив-2025» бағдарламасына қатысты пікірін айтып, қолдау білдірді.
Кездесу барысында университет ғалымдары Елбасы мақаласын жүзеге асыруға атсалысатындықтарын жеткізді.
