ӨЗАРА ҚАРЫМ-ҚАТЫНАСТЫҢ ТИІМДІ ТӘСІЛДЕРІ
«Даму» қоры АҚ филиалының коворкинг орталығында екі күн қатарынан әлеуметтік мекемелер мен ҮЕҰ арасында тиімді қарым-қатынас орнату тәсілдері жөнінде семинар өтті.
«Арал балалары» қоғамдық қайырымдылық қоры оны қиын жағдайға ұшыраған отбасылар мен балаларды жан-жақты қолдау үшін теориялық білім, практикалық дағдыларды қамтамасыз ету мақсатында ұйымдастырған. Семинарға Қызылорда қаласындағы пилоттық 10 мектеп, 6 емхана, мемлекеттік ұйымдардың өкілдері қатысты. Екі күн бойы олар денсаулық сақтау, әлеуметтік қорғау, білім беру салаларындағы әлеуметтік жұмыстың заманауи технологиялары, мүмкіндігі шектеулі балаларды мемлекеттік қолдау, балалар мүгедектігінің алдын алу және оңалту сияқты тақырыптарда әңгіме өрбітіп, өзара пікір алмасты.
Қоғамдық қордың мәліметтер базасында 250-ден астам бала тіркелген. 20-дан астам отбасыға қызмет көрсетіп келеді.
Н.САНИЯЗОВА.
