Қызылордалық үздік полицейлер марапатталды
«1 желтоқсан – Қазақстан Республикасының Тұңғыш Президенті күні» мемлекеттік мерекесіне орай, Қызылорда облысы Полиция департаментінде мерекелік іс-шара өтті.
Мерекелік шарада «Тұңғыш Президенттің өмір жолы» атты бейнеролигі назарға ұсынылды. Мұнан соң Қазақстан Республикасының Ішкі істер министрі, полиция генерал-полковнигі Қалмұханбет Қасымовтың құттықтау хаты оқылып, Қызылорда облысы Полиция департаментінің бастығы, полиция полковнигі Қайрат Мұхитов сөз алып, департамент қызметкерлерін айтулы мерекемен құттықтады.
Салтанатты шара барысында қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түсіп, үздік нәтижелерге қол жеткізген полиция қызметкерлері мен ардагерлер марапатталды.
Мерекелік шара мұнан әрі концерттік бағдарламаға ұласты.
