Ашхабадта Арал мәселесі талқыланады
Ашхабадта Арал теңізі мәселесі бойынша өңірлік кездесу өтеді, деп хабарлайды Kyzylorda-news.kz Trend ақпараттық агенттігіне сілтеме жасай отырып.
Жоба ұсыныстары 30 желтоқсанға дейін Халықаралық Аралды құтқару қорның Атқарушы Комитетіне (ХАҚҚ) жіберіледі деп күтілуде.
Тоқсаныншы жылдары Қазақстан, Қырғызстан, Тәжікстан, Түркіменстан және Өзбекстан мемлекеттерінің қолдауымен құрылған қор Арал теңізін құтқару және Арал өңіріндегі экологиялық жағдайды жақсарту бойынша бірлескен жобалар мен бағдарламаларды қаржыландыруға бағытталған. Халықаралық Аралды құтқару қорына 2008 жылдың желтоқсан айында БҰҰ Бас Ассамблеясында бақылаушы мәртебесі берілді.
Ашхабад бұрын Арал теңізі бассейні үшін БҰҰ-ның арнайы бағдарламасын әзірлеу бастамасын бастады.
