Сырдарияда асар әдісімен бірнеше көпір салынды
Сырдария ауданында асар әдісімен көпір салынды, деп хабарлайды Kyzylorda-news.kz ақпараттық агенттігі.
Аудан бойынша жүргізіліп жатқан игі істердің бірі ретінде асар әдісімен салынған көпірлерді айтуға болады. Мәселен, ағымдағы жылдың қараша айында Тереңөзек кентіндегі Қазақ көшесіндегі «Қаракөл» каналына асар әдісімен көпір салынды.
Аталған көпір салтанатты түрде ашылып, еңбек ардагерлері игі іске атсалысқан азаматтарға ақ батасын берді.
Алдағы жылы тағы да асар әдісімен Майжарма каналына А.Әлиакбаров пен С.Усабаев көшелерін қосатын көпір салу жоспарлануда. Бұл жоспар іске асқан уақытта ауданда көпірге қатысты мәселе түбегейлі шешімін табатын болады.
