Димаш Құдайберген бірнеше елдің жаңажылдық шараларына қатысты
Димаш Құдайберген бірнеше елдің телеарналарындағы жаңажылдық бағдарламаларына қатысты, деп хабарлайды ҚазАқпарат.
Димаш Instagram желісіндегі ресми парақшасында «Qazaqstan» ұлттық арнасында өнер көрсетіп, фотосуреттерін жариялаған. Сонымен қатар, әнші «Россия 1» арнасының эфиріне шыққан видеоны да көпшілік назарына ұсынды.
Бұдан бөлек, ол қытайлық «Beijing TV» телеарнасындағы бағдармаға қатысты.
«Beijing TV арнасының жаңа жылдық түсірілімін аяқтадық. 41-ші қабатта түсірдік», - деп жазды Д. Құдайберген.
«2019 жаңа жылмен құттықтаймын! Жаңа жыл көптеген жақсылық алып келсін! Көптеген сыңғыр күлкімен қарсы алсын! Әр бір секунд сайын бақыт, әр бір күн сайын бақыт, әр жыл сайын бақытты болындар. Денсаулықтарын мықты болсын!», -дейді әнші.
