Димаш Құдайберген «Әлем аруы-2018» байқауында ән шырқайтын болды
Әйгілі қазақ әншісі Димаш Құдайберген «Әлем аруы-2018» байқауында ән шырқайды. Бұл туралы әнші өзінің инстаграмдағы парақшасында жазды.
«8 желтоқсанда «Әлем аруы» байқауында қатысушыларды қолдап ән арнаймын. Көріскенше», - деп жазды әнші парақшасында.
Айта кетсек, 2018 жылғы «Әлем аруы - 2018» байқауы 8 желтоқсанда Қытайдың Санья қаласында 68-ші мәрте өткізіледі. Аталмыш байқауда әлемнің 120 елінен арулар бақ сынайды. «Әлем аруы - 2018» конкурсына еліміздің атынан Қазақстанның вице-аруы, қарағандылық Екатерина Дворецкая қатысады.
