7 ақпан: Атаулы күндер мен оқиғалар
1977 жылы Байқоңыр ғарыш айлағынан Союз-24 ғарыш кемесі ұшырылды. 1991 жылы Қазақстанда әйелдерге арналған «Ақ босаға» атты тұңғыш газет жарық көрді.
2008 жылы Республикалық бюджеттің атқарылуын бақылау жөніндегі Есеп комитетінде Қаржылық заң бұзушылықтарды зерттеу жөніндегі орталық құрылды. Орталықтың негізгі қызметі қаржылық заң бұзушылықтардың алдын алуда және ескертуде қаржылық бақылау органдарына ғылыми-әдістемелік жағынан жәрдем көрсету, мемлекеттік қаржыны бақылаудың көкейкесті проблемаларын зерттеу, сондай-ақ бақылау және сараптау-талдау жұмыстарына жаңа тәсілдер мен технологияларды әзірлеп, енгізу орталықтың негізгі қызметі болып табылады. Орталық отандық ғылыми-зерттеу институтарымен, жоғары оқу орындарымен және мемлекеттік органдармен ынтымақтастық орнатылды.
2011 жылы Алматы қаласындағы Қабылдау үйінде ҚР Президенті Нұрсұлтан Назарбаев Қазақстан құрамасының толықтай жеңісімен аяқталған 7-Қысқы Азия ойындарының жүлдегерлерімен кездесті. Кездесу барысында Мемлекет басшысы 2011 жылғы Ақ Азиададағы қазақстандық спортшылардың жетістіктерін атап өтіп, оларды жалпы командалық есепте қол жеткізген жеңістерімен құттықтады.
2013 жылы ақын, Қазақ КСР Мемлекеттік сыйлығының иегері Сырбай Мәуленовтің 90 жылдығы аталып өтті.
2014 жылы Қазақстан Президенті Нұрсұлтан Назарбаев Сочиге XXII қысқы олимпиада ойындарына қатысу үшін келді. Сапар барысында Елбасы Қазақстанның олимпиада құрамасымен кездесті.
