Дүйсенбі күнгі ауа райы болжамы
25 ақпан күні атмосфералық фронттардың өтуіне байланысты республиканың басым бөлігінде құбылмалы күн райы сақталады. Жекелеген өңірлерде жауын-шашын жауады, тек солтүстікте, шығыста және оңтүстік шығыста дүйсенбі жауын шашынсыз өтеді. Кей жерлерде тұман, көктайғақ, бұрқасын, екпінді жел болжанады, деп хабарлайды ҚазАқпарат.
«Қазгидромет» РМК-ның мәліметіне сәйкес, Ақмола, Қарағанды облыстарының кей жерлерінде жаяу бұрқасын күтіледі, жел 15-20 м/с күшейеді. Қарағанды облысының кей жерлерінде тұман болады.
Қызылорда, Маңғыстау, Атырау, Батыс Қазақстан облыстарының кей жерлерінде тұман, көктайғақ болжанады.
Жамбыл, Түркістан, Актөбе, Қостанай, Павлодар, Шығыс Қазақстан облыстарының кей жерлерінде тұман күтіледі. Шығыс Қазақстан облысының Жармин ауданында, күндіз Жамбыл облысының кей жерлерінде жел 15-20 м/с күшейеді.
Солтүстік Қазақстан облысында тұман күтіледі, түнде кей жерлерінде, күндіз басым бөлігінде жел 15-20 м/с артады.
Алматы облысының кей жерлерінде тұман болады, Жалаңашкөл ауданында 18-23 м/с жылдамдықтағы желдін екпіні 28 м/с күшейді.
