Сыр Медиа

2005 жылы Парижде, ЮНЕСКО-ның штаб-пәтерінде қазақстандық танымал суретші Ерболат Төлепбайдың көрмесі ашылды. Қазақстан Республикасының ЮНЕСКО жанындағы тұрақты өкілінің бастамасымен ұйымдастырылған бұл көрменің салтанатты ашылу рәсіміне Парижде тіркелген дипломаттар, Францияның танымал саясаткерлері мен өнер қайраткерлері, шетелдегі қазақ диаспорасының өкілдері, өнерсүйер қауым қатысты. Ерболат Төлепбай - Қазақстан Мемлекеттік сыйлығының лауреаты, Қазақстан Республикасының еңбек сіңірген қайраткері, Қырғызстанның Көркем академиясының нақты мүшесi, Масарык атындағы Чех көркем академиясының мүшесi, «Платина Тарланының» иегері.

2006 жылы тәулігіне 32 тонна ұн тартатын екі диірмен Ақмола облысы Қорғалжын ауданының Жантеке ауылында іске қосылды. Диірмендерді қатарға қосқан «Ақжол-2030» жауапкершілігі шектеулі серіктестігі және «Мақсат Е» шағын және орта кәсіпкерлікті қолдау қоры осы мақсаттар үшін 7,5 млн теңге қаржы бөлді, оның бес миллионы жоғары технологиялық жабдықты алу үшін жұмсалды.

2007 жылы Астанада Қазақстан Республикасының «Электрондық үкiмет» веб-порталы жаңа нұсқасының көрсетілімі болып өтті. Портал республиканың барлық мемлекеттiк органдарының ақпараттық қорына электрондық рұқсат беретін бiр терезе қағидасы бойынша жұмыс iстейдi.

2012 жылы Елбасы Нұрсұлтан Назарбаев Қазақстанда Ана күнін атап өтуді ұсынды.

2012 жылы «Қазақстандық менеджмет, экономика және болжау институты (КИМЭП) мемлекеттік қайта тіркеуден өтіп, «КИМЭП Университеті» АҚ атауына ие болды.

2013 жылы АО «Эйр Астана» АҚ мен Turkish Airlines кодшерингтік келісім жасасуға ниет хатына қол қойды.

2013 жылы Лондонда қазақстандық суретшілердің «Жол айрығында» атты экспозициясы ұсынылды.

2014 жылы ҚР Президентінің Жарлығымен ҚР Мәдениет және ақпарат министрлігі ҚР Мәдениет министрлігі болып қайта құрылды.

2014 жылы Мемлекет басшысы Нұрсұлтан Назарбаев «Реабилитациялау және банкроттық рәсімдерін жүргізген кезде туындайтын қоғамдық қатынастарды реттеуге бағытталған «Реабилитациялау және банкроттық туралы» заңға қол қойды.