Дүйсенбіге арналған ауа райы болжамы
«Қазгидромет» РМК 18 наурызға арналған ауа райы болжамын ұсынады, деп хабарлайды ҚазАқпарат.
Қазақстанның батысы мен шығысында атмосфералық ағымдардың өтуіне байланысты ауа райы құбылмалы болады. Кей жерлерде жауын-шашын жауады, республиканың қалған аумағында ауа райы жауын-шашынсыз болады.
Басым өңірде тұман, көктайғақ болады, жел күшейеді.
Қызылорда, Маңғыстау, Батыс Қазақстан, Ақтөбе облыстарында тұман, түнде кей жерлерде көктайғақ болады, күндіз кей жерлерде жел 15-23 м/с жылдамдықпен соғады.
Атырау, Қостанай, Жамбыл, Солтүстік Қазақстан, Павлодар, Қарағанды, Шығыс Қазақстан, Ақмола облыстарының кей жерлерінде тұман түседі.
Жамбыл, Қостанай, Шығыс Қазақстан, күндіз Ақмола облыстарының кей жерлерінде жел 15-23 м/с күшейеді, Алматы облысында түнде кей жерлерде тұман болып, жел күшейеді.
Түркістан облысының кей жерлерінде жел 15-20 м/с жылдамдықпен соғады.
