Найзағай, жел, жауын - сейсенбіге арналған ауа райы болжамы
«Қазгидромет» РМК 19 наурызға арналған ауа райы болжамын ұсынады, деп хабарлайды ҚазАқпаратқа сілтеме жасаған Kyzylorda-news.kz.
Қазақстанның оңтүстігінде, оңтүстік-шығысында және батысында атмосфералық фронт бөліктерінің өтуіне байланысты құбылмалы ауа райы сақталады.
Кей жерлерде жауын-шашын жауады, республиканың қалған аумағында жауын-шашынсыз ауа райы күтіледі.
Түркістан, Қызылорда облыстарының кей жерлерінде желдің жылдамдығы 25 м/с жетіп, найзағай жарқылдап, тұман түседі.
Ақтөбе облысының кей жерлерінде тұман, көктайғақ болып, түнде кей жерлерде жел 15 м/с күшейеді.
Маңғыстау, Алматы облыстарының кей жерлерінде жел 15-22 м/с күшейеді. Ақмола, Атырау, Қостанай, Солтүстік Қазақстан, Павлодар, Жамбыл, Батыс Қазақстан, Қарағанды, түнде және таңертең Шығыс Қазақстан облыстарының кей жерлерінде тұман түседі.
Батыс Қазақстан облысының кей жерлерінде көктайғақ болып, Жамбыл, Қарағанды облыстарында желдің жылдамдығы15-20 м/с жетеді.
