Сыр Медиа

     Бұл күндері Қармақшы ауданындағы шаруа қожалықтары басшылары мен тұрғындар арасында су тасқынын болдырмау бағытындағы жұмыстар кеңінен түсіндірілуде.

    Сырдария өзенінің Қармақшы ауданы аумағындағы ұзындығы 231 шақырымды құрайды. Қауіпті аймақтар болып есептелетін Сырдарияның оңтүстік жағалауындағы Жаңажол, Иіркөл ауылдары, солтүстік жағалаудағы Қараөзек пен екі ортада орналасқан Қызылтам, Абыла елді-мекендері және аудан орталығы Жосалы кентін қорғау үшін жалпы ұзындығы 67,2 шақырымдық қорғаныс бөгеттерімен қоршалған.

    Аудан әкімінің орынбасары Ж.Сүйеубаев, жергілікті полиция қызметінің бастығы, полиция подполковнигі Ғ.Нағиев, ветеринария бөлімінің басшысы А.Қалжанов, аудан әкімі аппаратының бөлім басшысы Р.Ефенов, ауылшаруашылық бөлімінің бас маманы Ж. Төлегенов, ішкі саясат бөлімінің статистигі Н.Бейбітов, Қармақшы ауылдык округі әкімінің бас маманы А.Есқараев және аудандық ТЖБ бас маманы, азаматтық қорғау капитаны Е.Назарқұловтардан жасақталған топ 4 шаруа қожалығының басшысы мен тұрғындарға су баса қалған жағдайда жасалатын іс-әрекет пен шаруа қожалықтарын қауіпсіз аймаққа көшіру жолдарын құлақтандырып, ескертпе хат таратылды.  

    Қармақшы аудандық №5 өрт сөндіру бөлімінің қызметкерлерімен бірлесіп, әр аптаның сенбі күні, аудан тұрғындарына су тасқыны мен су басу кезіндегі іс-қимылдар жөнінде құлақтандыру жұмыстары жүргізілуде. Күнделікті «Қармақшысушар» мекемесі тарапынан Сырдария өзенінен өтетін су деңгейі бойынша зерделеу жұмыстары жүргізілуде.

    Алдағы уақытта бұл жұмыстар өз  жалғасын табатын болады.