Сыр Медиа

Қазақстанның Құрметті журналисі, Қазақстан Журналистер одағы сыйлығының лауреаты, Қазақстан Жазушылар одағының мүшесі, Қызылорда қаласының Құрметті азаматы, журналист, жазушы Итен Қарымсақовтың жеке тектік құжаттары архив қорына қабылданды, деп хабарлайды Kyzylorda-news.kz.

Жазушының құжаттары архивтің «Қызылорда облысының журналистері» коллекциясына қойылады.

Осыған орай, Қорқыт Ата атындағы Қызылорда мемлекеттік университетінің студенттер сарайында салтанатты шара өтті.

Шара барысында И.Қарымсақовтың жеке тектік құжаттарынан көрме дайындалды. Белгілі журналист Серік Пірназар, белгілі жазушылар, Қазақстанның Құрметті журналистері Өтеген Жаппархан, Қайырбек Мырзахметов, ардагер ұстаз Зияда Көздібаева және Қорқыт Ата атындағы университетінің оқытушысы, филология ғылымдарының кандидаты, кафедра меңгерушісі Ғабит Тұяқбаев қор иесінің қызметі мен өмірі жайлы сыр шертті.

Қала әкімінің орынбасары Шахмардан Байманов жазушыға қала әкімінің Алғыс хатын және Құрмет Грамотасын табыстады.

Кездесу барысында «Қызылорда облысының мемлекеттік архиві» КММ-нің қоғамдық-саяси тарихы бойынша филиалының басшысы Г.Ахметова И.Қарымсақовтың жеке тектік құжаттарын Ұлттық архив қорына сақтауға қабылдады.