ШИЕЛІ АУДАНЫНДА БЮДЖЕТ КІРІСІ БОЛЖАМНАН ЖОҒАРЫ БОЛДЫ
Бұл туралы Өңірлік коммуникация қызметінде өткен брифингте Шиелі ауданының әкімі Әшім Оразбекұлы хабарлады.
Биыл аудан бюджеті несиелерді қоса есептегенде барлығы 13 млрд. 100 млн. теңге көлемінде бекітілді. Оның ішінде, аудандық бюджеттің өз кірісі 1 млрд. 684 млн.теңге болды.
Осы 10 айда бюджеттің жалпы кірісі 10 млрд. 412 млн. теңгенің орнына 10 млрд. 583 млн. теңгеге немесе 101,6 пайызға орындалды. Ал бюджеттің өз кірісі болжамдалған 1 млрд. 279 млн. теңгенің орнына 1 млрд. 450 млн. теңге болды.
Есепті мерзім ішінде бюджет шығысы 98,2 пайызға (болжам 10 млрд. 405 млн. теңге) игерілді.
