ҚАРМАҚШЫ АУДАНЫ: БЮДЖЕТ КІРІСТЕРІ 104,9% ОРЫНДАЛДЫ
Қармақшы ауданы бюджетінің 2017 жылдың 1 қазанына түсімдер болжамы 7 млрд 890 млн 22 мың теңге болып, нақты 8 млрд 35 млн 784 мың теңгеге атқарылды. Бұл туралы Өңірлік коммуникациялар қызметінде өткен баспасөз мәслихатында аудан әкімі С.Мақашов мәлімдеді.
Оның айтуынша есепті кезеңге аудан бюджетінің өз кірістерінің жоспары 679 млн 277 мың теңге болса, нақты 712 млн 625 мың теңгеге атқарылып, 104,9 пайызды құрап отыр.
- Аудан бюджетінің шығындар жоспары 7 млрд 890 млн 22 мың теңге болып, нақты 7 млрд 879 млн 22 мың теңгеге орындалды. Яғни болжам 99,9 пайызға атқарылып отыр, - дейді аудан басшысы.
