Полиция департаментінің бастығы аулаларда қабылдау өткізеді
Қызылорда облысы Полиция департаментінің бастығы Қайрат Мұхитовтың бастамасымен 11-12 сәуір күндері сағат 18:00-де облыс орталығындағы көп қабатты үйлердің аулаларында «Аулаларда қабылдау» акциясы өткізіледі, деп хабарлайды Kyzylorda-news.kz.
Полиция департаментінің баспасөз қызметінің мәліметінше, бұл акция полицияның ашықтығын қамтамасыз ету, аймақ тұрғындарымен тиімді байланыс орнату және қоғамдық қауіпсіздікті қамтамасыз ету мақсатында ұйымдастырылмақ.
Акция облыс орталығында төмендегі мекен-жайлар бойынша өткізіледі.
1.Қызылорда қаласы Ақмешіт мөлтек ауданы №26 көпқабатты үйдің ауласы;
2.Қызылорда қаласы,Шұғыла мөлтек ауданы №26 көпқабатты үйдің ауласы;
3. Қызылорда қаласы, Жеңіс көшесі №98 көпқабатты үйдің ауласы;
4. Қызылорда қаласы, Ғ.Мұратбаев көшесі №20 көпқабатты үйдің ауласы;
Толғандырып жүрген сұрақтар мен ұсыныс-пікірлеріңіз болса, белгіленген орындарға келуге шақырамыз.
