Қызылордада ұлттық ат спортынан жарыс басталды
Kyzylorda-news.kz. Бүгін Қызылорда қаласындағы ипподромда Ұлы Жеңіс күніне орай ат спортынан жарыстар басталды. Жарыс бағдарламасы бойынша аударыспақ, теңге ілу, көкпар жəне бəйге жарыстарына Қызылорда қаласынан, Жалағаш, Сырдария аудандарының командалары қатысуда." Жеңіс күніне орай ат спортынан жарыстар басталды. Аударыспақ 70 жəне 80 келіден жоғары салмақта өтіп жатыр. Сондай-ақ, шабандоздар 3 шақырымға созылған тай жəне ұшқыр бəйгелерінен де сынға түседі. Жарыс Ақтөбеде өтетін республикалық фестивальға спортшыларды іріктеу мақсатында өткізілуде. Іріктеу жарыстары енді Жалағаш, Жаңақорған жəне Қазалы аудандарында жалғасады», - дейді Ұлттық жəне ат спорты түрлері бойынша спорт клубының директоры Ғабит Махатаев.
Айта кетейік, жарысты ұйымдастырушылар облыстық дене шынықтыру жəне спорт басқармасы, ұлттық ат спорты түрлері бойынша спорт клубы жəне облыстық ат спорты федерациясы.
