ҒАСЫР ҒҰМЫР ИЕСІНЕ ТӨЛҚҰЖАТ ТАПСЫРДЫ
Сырдария аудандық ХҚКО бөлімінің басшысы Жұмабек Әшімұлы бастаған ұжым жуырда 100 жасқа жеткен Сәлима апа Күдебаеваны мерейлі жасымен құттықтап, ғасырлық ғұмыр иесіне жеке куәлігін табыстады.
Сәлима апа Оңтүстік Қазақстан облысы Шалқия ауылында дүниеге келген. Өткен ғасырдағы отызыншы жылдар басында Қызылорда облысына ұзатылады. Талай қиындықты көрген Сәлима апа жастайынан кесек құйып, масақ терген, соғыс азабын тартқан жанның бірі.
Соғыстан елге жаралы болып оралған күйеуі екеуі 2 кыз, 4 ұл тәрбиелеп өсірген.Өзі ұзақ жыл Тереңөзек кентіндегі наубайханада жұмыс істеп, зейнетке сол мекемеден шықты.
Қазір шөбере қызығын көріп отырған әже бүгінгі күнді қой үстіне бозторғай жұмыртқалаған мамыражай заманға теңейді.
