Сыр Медиа

Kyzylorda-news.kz. Қызылорда қаласындағы №278 орта мектептің базасында "Robo Fest-ORDA" облыстық фестивалі өтті, деп хабарлайды білім басқармасының баспасөз қызметінен.

Мұндай байқаулар оқушылардың инновациялар мен жоғары технологиялар саласына деген қызығушылығын арттырып, интеллектуалдық қабілеттерін дамытады. Сонымен қатар, инженерлік-техникалық есептерді іс-жүзінде шеше білу және жұмыс жасау дағдыларын қалыптастырып, техникалық модельдеуді насихаттайды.

Байқауда робот моделін құрау және роботтарды бағдарламалау бағытындағы үздік жобалар анықталып, оқушылар мен педагогтардың шығармашылық жетістіктері бағаланды.

Қатысушылар Робо Арқан тартыс, Робо Ақ сүйек, Робо Қыз қуу категориялары бойынша сынға түсті.

Фестиваль нәтижесі бойынша 38 оқушы жүлделі орынға ие болды. Оның ішінде І орын-6, ІІ орын-12, ІІІ 20 оқушыға тағайындалды. Жеңімпаздар мен жүлдегерлер ұйымдастырушылар тарапынан марапатталды.