МҰНАЙДЫҢ ӘЛЕМДІК БАҒАСЫ АЙТАРЛЫҚТАЙ КӨТЕРІЛДІ
ҚазАқпарат - Лондон және Нью-Йорк шикізат биржаларындағы дүйсенбі күнгі сауда-саттықта мұнай бағасы айтарлықтай көтерілді, деп хабарлайды «ҚазАқпарат» ХАА.
Лондонның ICE Futures биржасында мамыр айында жеткізілетін Brent маркалы мұнай фьючерстері 1,17 долларға дейін қымбаттап, бір баррель мұнайдың бағасы 65,54 доллар болды. Нью-Йорк тауар биржасында (NYMEX) WTI маркалы мұнайдың сәуір айында жеткізілетін фьючерстері 1,32 долларға көтеріліп, бір баррельдің бағасы 62,57 долларды құрады.
