ЕУРАЗИЯЛЫҚ ЭКОНОМИКАЛЫҚ ОДАҚҚА МҮШЕ МЕМЛЕКЕТТЕРМЕН ӨЗАРА ТАУАРЛАР САУДАСЫ ТУРАЛЫ
Алдын–ала деректер бойынша 2018 жылдың қаңтар-наурызында Қызылорда облысының ЕАЭО елдерімен өзара саудасы 14998,1 мың АҚШ долларын құрады, немесе 2017 жылғы қаңтар-наурызға қарағанда 14,2%-ға көп. Оның ішінде экспорт 7314,2 мың АҚШ доллар (25,2%-ға көп), импорт – 7683,9 мың АҚШ доллар (5,4%-ға көп), деп хабарлайды облыстық статистика департаментінің баспасөз қызметі.
Қызылорда облысының экспорты құрылымында көпшілігін минералды өнімдер – 61,3% (тұз – 55,8% ЕАЭО елдерінің барлық экспортының көлеміне, табиғи құмдар – 5,5%), малдан шығатын, өсімдік тектес өнімдер және дайын азық-түлік тауарлар – 38,7% (күріш – 37,2%, жас немесе мұздатылған балық 1,5%).
ЕАЭО елдерінен үлкен дәрежеде машиналар және жабдықтар, транспорттық құралдар және аппараттар (ЕАЭО елдерінің импорты жалпы көлеміне 45,3%), химиялық өнеркәсіп өнімдері (17,5%), мал және, өсімдіктер өнімдері, дайын азық-түлік тауарлар (14,9%), металлдар және олардан жасалған бұйымдар (8,5%), тастан, гипстен, цементтен жасалған бұйымдар, шыны және одан жасалған бұйымдары (5,8%), ағаш материалдар және целлюлозды қағаз бұйымдары (5,3%), минералды өнімдер (0,6%) әкелінді.
