Назарбаев жапон императорының таққа отыру рәсіміне қандай киім киген? (ФОТО)
Kyzylorda-news.kz. Нұрсұлтан Назарбаев жапон императорының таққа отыру рәсіміне қатысуда, деп хабарлайды Қазақстанның Тұңғыш президенті - Елбасының баспасөз хатшысы Айдос Үкібай Twitter-дегі парақшасында.
Шараға қатысу үшін Назарбаев қара классикалық фрак және ақ көбелек-галстук таңдаған.
Сондай-ақ, Айдос Үкібай Нұрсұлтан Назарбаевтың Жапонияда қандай көлікпен жүргенін көрсетті.
Айта кетейік, 21 қазанда Елбасы Нұрсұлтан Назарбаев Жапония үкіметінің шақыртуымен Токиоға барды. Ресми мәліметтер бойынша шараға 2 мыңға жуық қонақ шақырылған, олардың ішіндегі 400 адам - 180 елдің мемлекет басшылары мен өкілдері болып табылады.
Сәуірде Жапонияда император Акихитоның тақтан кету рәсімі өтті. Ол елді 30 жыл басқарды, бұл кезең елде Хэйсэй (бейбітшілік орнауы) деп аталады. Оның орнына ханзада Нарухито келді. Жаңа басқарушының кезеңі Рэйва деп аталады, оны «әдемілік пен гармония» деп атайды.
