Алматыда тікұшақ апатқа ұшырады
Алматы қаласының Наурызбай ауданына қарасты Тау самалы шағын ауданында тікұшақ апатқа ұшырады. Бұл туралы ҚР ІІМ Төтенше жағдайлар комитетінің ресми өкілі Нұрсұлтан Нұрахметов айтты, деп хабарлайды Kyzylorda-news.kz
ҚазАқпаратқа сілтеме жасап.
«17 қаңтар күні сағат 16-05-те Алматы қаласының Наурызбай ауданына қарасты Тау самалы шағын ауданында, «Алатау» шипажайының ашық аумағына «Sky Service» әуе компаниясының жеке меншігіндегі Еврокоптер-130 тікұшағы құлады. Тікұшақ өртенген жоқ. 1968 жылы дүниеге келген ұшқыш жедел жәрдем көлігінде қайтыс болды. Тікұшақ Боралдай-Үлкен Алматы көлі бағытында ұшып бара жатқан», - деді ресми өкіл.
Азаматтық авиация комитетінің мəліметінше, тікұшақта бір ғана адам, яғни ұшқыш Валентин Шитов болған.
