ТУҒАН ЖЕРГЕ ТАҒЗЫМ
Елбасының «Болашаққа бағдар: Рухани жаңғыру» бағдарламалық мақаласы аясында 2018 жылдың 12 қаңтарында Алматыдағы Ә.Қастеев атындағы мемлекеттік өнер мұражайының көрме залында қызылордалық қылқалам шебері Амангелді Кененбаевтың көрмесі өтіп, онда суретшінің туған жер табиғатын бейнелеген картиналары қойылады.
Суретшінің айтуынша көрмеге барлығы 63 туынды қойылмақ.
Амангелді Кененбаев 1955 жылы Қызылорда облысы, Шиелі ауданы, Сұлутөбе ауылында дүнеге келді. Орта мектепті бітіргеннен кейін ол гидромелиоративтік техникумда оқыды, киномеханик болып жұмыс істеді, ауылдық мектепте мұғалім болды. 1978 жылы Қастеев атындағы Шымкент өнер училищесіне түсіп, 1982 жылы үздік бағамен бітірді. 1983 жылдан бастап туындылары облыстық, республикалық және шетелдік көрмелерге қойыла бастады.
Ол сонымен қатар бірқатар мүсіндік және монументалды нысандар авторы. 2015 жылы АҚШ пен Жапонияда жеке көрмелері өткізілді.
