ЕРКІН ЕЛДІҢ ЕҢСЕЛІ ЕЛОРДАСЫ
Елбасының «Болашаққа бағдар: Рухани жаңғыру» бағдарламалық мақаласындағы міндеттер аясында Жалағаш аудандық кітапханасында "Жырлаймын Астанамды" атты мəнерлеп оқу кеші өтіп, кітап көрмесі ұйымдастырылды.
Еркін мемлекеттің елордасы ретінде әлемге танылған Астанаға арналған жыр оқылған кешке кенттегі №201, 202, 246 мектептер оқушылары, Жалағаш индустриалдық агроколледждің студенттері мен мұғалімдері қатысты.
Шара қонақтары ұлттың рухани жаңғыруы бастау алатын елорданың ел дамуындағы алар орнына тоқталып өтті.
Еркін елдің елордасына арналған шарада бірінші орынды З.Жарқынбаев атындағы №202 мектептің 7 сынып оқушысы Бағлан Есқара, екінші орынды Ш.Ермағанбетова атындағы №246 мектептің 6 сынып оқушысы Ақерке Кеңесбай алса, №201 мектеп-лицейдің 8 сынып оқушысы Аружан Əбсəлім үшінші орын жүлдесіне лайық деп танылды.
