ҰРПАҒЫ ҰЛЫҚТАҒАН ҰЛЫ БАБА
Жалағаш кентінде Есет батыр Көкіұлының 350 жылдық мерейтойына арналған республикалық ақындар айтысы өтіп жатыр.
Республиканың түкпір-түкпірінен келген, есімі қалың көпшілікке танымал айтыскерлер қатысқан дүбірлі додада саңлақтар "Ұрпағы ұлықтаған ұлы баба" тақырыбында батыр бабамыздың ерлік жолын тілге тиек етіп, еліміздің саяси өмірі мен қоғамдық құбылыстарын, ұлттық идеямызды, салт-дəстүрлер мен тағылымы мол тарихымызды жырлайды.
Айтысты ҚР еңбек сіңірген қайраткері, ақын Жүрсін Ерман жүргізеді. Сөз сайысына Елена Əбдіхалықова бастаған қазылар алқасы баға беретін болады.
Аламан айтысқа Айбек Қалиев, Рүстем Қайыртаев, Дидар Қамиев, Нұрмат Мансұров, Сезімхан Шұғайып, Қажымұқан Абзалов, Мейірбек Сұлтанхан, Мұхтар Ниязов, Сырым Əділбеков, Ержеңіс Əбдиев сынды ақындар қатысуда.
