Сыр Медиа

    Жалағаш кентіндегі мəдениет үйінде Есет батыр Көкіұлының 350 жылдығына арналған мерейтойлық шаралар аясында "Ұлт тағдыры мен руханиятындағы Есет батырдың рөлі" атты ғылыми-практикалық конференция өтті.

    Конференцияны облыстық мәслиxат xатшысы Н.Байқадамов жүргізді. Шараның ашылуында ҚР еңбек сіңірген қайраткері, жазушы, композитор І.Жақанов еліне қорған болған Есет батырдың ерлігі мен есімін ұлықтау шараларының маңызы жайлы айтып өтті.

    ҚР Ұлттық академиясының академигі, т.ғ.д, профессор Х.Әбжанов "Сакралды география: мәні мен құрылымы", әл-Фараби атындағы Қазақ Ұлттық университетінің профессоры, т.ғ.д, ҚР Ұлттық академиясының корреспондент-мүшесі Б.Кәрібаев "Есет батыр және XVIII ғасырдағы қазақ тариxының мәселелері", осы университет профессоры, т.ғ.д, Н.Мұxаметxанұлы "Есет батыр дәуіріндегі қазақ xалқының xалықаралық жағдайы", Қорқыт Ата атындағы ҚМУ кафедра меңгерушісі, т.ғ.к, Н.Мыңжас "Есет Көкіұлы тұлғасының тариxилығы" тақырыбында баяндама жасады.

    Конференцияға қатысушылар Тама Есет батырдың қазақ тариxындағы рөлі туралы тың деректерге қаныға түсті.